غيث

نقرأ القصة وراء العطر دا، ونعيش في العالم بتاعه عشان نستحضر احساسه. ونجرب العطر في مكان مغلق الأول مش في الهوا، البشرة لازم تكون نظيفة ومرطبة كويس (البشرة الجافة بتمتص العطر)، ومنستخدمش عطر تاني قبل التجربة عشان ميختلطش الإحساس.

لازم اولا البشرة تبقى مترطبه عشان يثبت أكتر، مش اقل من ٥ ل ١٠ رشات. هنرش على الرقبه والدراعين من اول الكتف لحد الكف ودا مهم جدا عشان نحافظ على وجود هالة عطريه حوالينا. وعلى نقط النبض حسب الرغبه (الرسغ، خلف الودن).

عطور تراث هي Extrait de Parfum بتركيز عالي من الزيوت العطرية، مستوحاة من أفخم العطور العالمية بخامات أوروبية فاخرة. كل عطر بيتم تصميمه عشان يحكي قصة، ويفضل معاك ساعات طويلة بفوحان قوي وثبات ملحوظ.

هو أعلى تركيز في عالم العطور (بين 20–40% من الزيوت العطرية)، مقارنة بالـ Eau de Parfum (15–20%) والـ Eau de Toilette (5–15%). ده اللي بيخلي العطر أقوى في الفوحان وأطول في الثبات على البشرة والملابس.

عطورنا مستوحاة من عطور عالمية مشهورة، يعني بنحافظ على روح العطر الأصلي وهرمه العطري بخامات راقية، لكنها مش "تقليد" بالمعنى الحرفي. كل عطر عندنا له هوية وقصة خاصة بيه، واسم عربي يعبر عنه.

بفضل التركيز العالي، عطور تراث بتفضل من 8 لـ 12 ساعة على البشرة، وتوصل لأكتر من ذلك بكتير على الملابس.

العطر لما بيتشحن بيتعرض لرج كتير ، تغيرات في الحرارة خلال النقل، ودي حاجات بتأثر مؤقتًا على توازن المركب العطري. هنسيبه 6 لـ 12 ساعة على الأقل في مكان جاف وبارد قبل التجربة عشان يهدى ويرجع لتركيبته الطبيعية.

عشان نحكم على العطر بشكل عادل، مينفعش نقيمه برشة على الرسغ ونفركها وتشمها لثواني وخلاص. ده بيكسر النوتات ويغير الإحساس. الطريقة الصح: نستخدم 8 إلى 12 رشة (تطبيق كامل زي ما هنلبسه في يوم عادي)، ارشه على نقط النبض (الرسغ، الرقبة، خلف الودن، الصدر)، ومنفركش العطر بعد الرش - نسيبه يجف لوحده.

العطر بيمر بـ 3 مراحل (نوتات علوية ← قلبية ← قاعدية). عالاقل نستنى 30 دقيقة عشان النوتات تفتح وتظهر شخصية العطر الحقيقية، وافضل نتابعه على مدار اليوم. العطر بيتفاعل مع كيمياء جلدك، فممكن يطلع مختلف شوية من شخص للتاني، وده طبيعي تمامًا.

بنشحن لكل محافظات مصر.

الشحن مجاني على كل الأوردرات فوق 1600 جنيه. أقل من كده، تكلفته بتكون ٨٠ جنيه ثابته لمصر كلها.

القاهرة والإسكندرية: 2- 4 أيام عمل. باقي المحافظات: 3–5 أيام عمل.

آه، الدفع كاش عند الاستلام متاح لكل مصر، بالإضافة لمحفظة فودافون كاش والدفع بالفيزا.

لأن العطور منتجات شخصية جدًا، وتفضيل الروائح بيختلف من شخص لشخص، مش بنقبل الاسترجاع بسبب عدم إعجابك بالرائحة. ننصحك تقرا وصف العطر وهرم الروائح كويس قبل الطلب، ولو محتار نفسك تواصل معانا وهنساعدك تختار اللي يناسبك.

لو وصلك تالف (تسريب/عبوة مكسورة)، أو لو في خطأ في نوع العطر أو حجمه، أو لو في عيب تصنيع واضح.

الإبلاغ خلال 48 ساعة من الاستلام، والمنتج يكون بحالته الأصلية مع العبوة والتغليف. تفاصيل كاملة في صفحة سياسة الاستبدال والاسترجاع.

من خلال الموقع مباشرة، أو إنستجرام. فريقنا هيساعدك في الاختيار والتأكيد.

أيوة، هيوصلك رقم بوليصة الشحن على الواتساب بعد ما الأوردر يطلع من عندنا.

طبعًا، طول ما الأوردر لسه ما اتشحنش. كلمنا على انستجرام في أسرع وقت.

لسه بنطور الموضوع دا ، لكن لو طالب اوردر بالفعل ابعتلنا وممكن نساعد لو نقدر!

على انستجرام يوميا من ٩ صباحًا حتى ١١ مساءً

خزّن العطر في مكان جاف وبارد، بعيد عن الشمس والرطوبة.

متحطش ازازة العطر في الحمام عشان الرطوبة بتأثر على الجودة.

عشان دا غلط وبيأثر على جودة العطر